جواب
نور قطب
تيجوا نكتب حدوته !
داليدا اسمي داليدا 24 سنه كليه حقوق جامعه عين شمس ، مامتي متوفيه وعايشه انا وبابا واخويا علي
علي اكبر مني بسنتين مهندس
بابا طالع علي المعاش وهو الام والاب لينا
انا عندي احن اب في العالم .
صباح الخير علي احلي عم يونس في الدنيا 3)
يصباح الهنا علي اجمل بنت في الدنيا .
فطرت ولا اعملك فطار !
فطرت ولا اعملك فطار مالك يدليدا انتي كويسه يبنتي انتي مش نازله الشغل !
اي دا اي دا اي دا انت قصدك اي يعني يبابا .
مقصدك حاجه انا اتكلمت !
انا فطرت الحمدلله
وفطارك جوا ادخلي افطري ويلا علي شغلك بلاش كسل .
عيوني يحجوج يقمر ربنا يخليك لينا يارب .
باست رأسه وقامت .
بابا علي نزل !
لا نايم لسه ادخلي شوفيه يمكن راحت عليه نومه .
علي
علي
علي
ممم!
حضرتك نايم والساعه بقت 8!
مش هنزل .
دا ليه بقي أن شاءالله!
اطلعي بره واطفي النور .
!
علي قوم أنجز هتتاخر .
قولتلك اطلعي بره .
___!
مالك يعلي ! فيك اي !
مفيش يدليدا ممكن تسبيني أنام وتنزلي شغلك !
لا مش هنزل ولا هخرج من هنا غير لما اعرف مالك !
مالك يعيون داليدا! ومسحت علي رأسه .
من غير كلام علي انضم لحضن أخته اللي ديما بيلجأ ليه .
وعلي وداليدا قريبين لبعض جدا زي التؤام هما تؤام بس مش من سن بعض .
داليدا انا مش عايز اأخرك علي شغلك ومش عايز اتكلم .
بس انا هستناك لما ارجع مفهوم !
مفهوم .
ودي بقي العماره اللي فيها المكتب اللي بشتغل فيها
الدور الاول فيها ناس طيبين معرفهمش بس الجواب بيبان من عنوانه وعنوانه أنهم طيبين وفي حالهم
وانا بقي مكتبي في الدور التاني احنا 3 في المكتب ، انا وفريده غالي وحازم محمود دول صحابي وشغالين كلنا سوا
اللي بيعرف يسد في قضيه بنصدره .
للجيران في الدور الأول "
صباح الخير
صباح النور يبنتي يومك جميل زي ابتسامتك .
تسلمي يطنط دا من زوق حضرتك .
لغز غريب محاوطني وشغلني طول فتره شغلي هنا
إن باب الدور الاول في العماره دي ديما بيكون مفتوح اللي طالع واللي نازل يشوف البيت بالأشخاص اللي فيه
بفضل افكر ديما ليه سايبين ديما الباب كده ببقي هاين عليه ادخل اسئلهم فاتحين الباب ليه !
البيت دا فيه ست فرحه وولادها ابراهيم ومريم مريم بنوته من ذي الاحتياجات الخاصة
ديما قاعده علي كرسي متحرك موجود في وش الباب بتبص علي اللي طالع واللي نازل
ابراهيم شاب اكبر من بسنتين خريج كليه تجاره ومحاسب في شركه حاليا .
صباح الخير
صباح النور علي الناس اللي متأخره وعندنا حاجات اد كده .
معقول يشباب احنا بينا كده بردوا !
انتو تقوموا بالواجب وزياده .
دخلت علينا يستي يلا علي مكتبك .
ارخم واجمل حاجه في نفس الوقت أن "صحابك يكونوا حافظينك عارفين كل اللي بتعمله عارفين العيبك ، امتا بتضحك بجد وامتا بتكون الضحكه مذيفه ، امتا بتكون حزين ، والأهم انهم ديما جمبك ومطمنينك "
"4العصر"
حازم أنا ماشيه محتاج حاجه !
لا بالسلامه انا نصايه وهقفل وامشي .
سلام __سلام .
كعاده وانا نازله بحب اشاور لمريم وهي تبتسم
لحظت كميه لطافه !
هو أن إبراهيم هو اللي بيسرح لمريم شعرها وهي مبسوطه وبصاله ومبتسمه
ومامتهم في عيونها الدموع وبصالهم فضلت واقعه عيني عليهم لحد لما ابراهيم
لاحظ وجودي بصلي وكأنه بيقولي اتفضلي
جريت علي بره من كسوفي .
____
مساء الخير علي يونس الجميل حبيب قلبي .
انتي لاغيه كلمه بابا من قاموسك ولا اي !
تعالي بس تعالي متخودنيش في دوكه
انت متشيك كده ورايح علي فين ها ها !
بابا ، نعم !
بابا ، قولت نعم !
اوعي تكون هتتجوز !
ضحك وقالي وانا كبرت يبت علي الجواز !
باباااااااا
بس بقي بهزر ، انا عمري ما شوفت ولا هشوف غير مامتك هي كانت كل حاجه كانت عيني الي بشوف بيها ، هي كانت الأولي والاخيره يدليدا .
اترحمي عليها يبنتي .، ربنا يرحمها يبابا ويخليك ليا يا احن قلب في الدنيا.
يلا عشان متأخرش انا نازل مع صحابي بتوع زمان شويه قولنا نعيد الشباب يوما .
خد بالك من نفسك 🤍🫂
_
علي ، علي
ايوا هو الانسان بيعمل اي في اوضتي !
مستنيكي .
معاك إذن نيابه !
____
بضحك خلاص خلاص بهزر ، اتفضل هوينا خمسه بس.
حط علي رأسه علي رجل داليدا عالعاده وهي بتمسح علي شعره .
بصتله وقالتله مالك ينور عيني !
تعبان تعبان يداليدا ، تعبان كأن الكون بتُقله بكُل حكاياته وزعله واقع على كتافي ."الطحان "
سمعاك .
حاسس انها مقفله معايا من كل حته كل حته
ليه اي اللي حصل جديد !
بتضيع مني وانا مش عارف اعمل حاجه ،
داليدا هو احنا بنكون علي ادنا باختيارنا ،
يعني الإنسان بيكون وحش لما يتعب ويعافر عشان ينول اللي هو عاوزه !
احنا طلعنا لقينا نفسنا من عيله بسيطه طول عمرنا ماشين علي ادنا
اول مره احس انها حاجه وحشه أن الواحد يكون عايش في عيشه بسيطه .
مين قالك انها حاجه وحشه احنا في نعمه ، "احنا عندنا حاجات مش عند اي حد حولينا ، احنا عايشين في حالنا معندناش مشاكل مع حد ، عندنا اب فحت في الصخر عشان يجيب لينا اللقمه عشان يعيشنا ، عشان ميحرمناش من حاجه ، كفايا أن عمرنا ما بصينا لحاجه في ايد غيرنا طول عمرنا عيونا مليانه ، طول عمره محاجي علينا وضممنا طول عمرنا احنا التلاته واحد ، والأهم يعلي اننا عايشين في راحه بال ودي بقي ولا بتتشري بكنوز الدنيا "
طب ليه الإنسان بيتعاير أنه علي قده !
الناس اللي بتعاير دي بيكون عندها نقص نقص يعلي ، فاكرين أنهم معاهم كل حاجه وهما ممعهمش ولا حاجه .
فاكرين أن بفلوسهم مالكين الدنيا بس للاسف دا وهم .
دور علي حد يكون غني هتلاقيه مش مبسوط معندوش ربع راحه البال اللي عندنا .
انا اتوجعت يدليدا لما حسيت أنه ممكن ياخدها مني عشان هو اغني وعيشته احسن والمشكلة الأكبر أن أهلها موافقين وبقنعوها .
طب وهي !
ليلي شبهي بحس انها مني بحس أن انا اللي مربيها
عارفه لما حد يجي ويكون عايز ياخد حاجه ملكك وانت بسبب أهلها وأنهم شايفين أن الأغني يكسب الأغني هيعيشها احسن ، ميعرفوش أن ليلي حته مني يداليدا حته مني مش بنتهم دي بنتي انا .
طول ما هي ماسكه فيك متخافش انت تخاف لما تلاقيها متحيزه ليهم فاهم !
ممكن بقي تمسح دموعك دي وتدخل تصلي وتدعي ربنا وهو عمره ما هيعمل غير الخير .
باس راس أخته وسابها وخرج .
داليدا امي امي قبل ما تكون اختي
مش بعتبرها اختي الصغيره
هي كبيره اوي في نظري ، لما الدنيا بتيجي عليا مش بلاقي علي حضنها اترمي فيه وافضفض
مش مهم الاقي اجابه أو حل لمشكلتي المهم انها بتسمعني بصدر رحب ، بتراضيني كاني طفل ليها وعارفه بتراضيه ازاي ."
في خيال داليدا '
نظره ابراهيم ليها وهو بيقول "اتفضلي "
اي دا انا مالي ، ايوا بقي يداليدا افضلي اقنعي نفسك أنها نظره عاديه لأن دي الحقيقه ، ولما دي الحقيقه ودي حاجه عاديه بتفكري فيها ليه دا انتي عايده الجمله في دماغك اكتر من 22 مره
22 ولا 21
يووو بس كفايا كفايا
نامييي .
صباح الخير
صباح النور اتفضلي .
لا ميرسي انا بس مش شايفه مريم فقولت اطمن عليها !
ممم اطمني مريم بخير هي بس نايمه شويه
نايمه غريبه مريم عمرها ما نامت دلوقتي !
وانتي عرفتي منين انها مش بتنام دلوقتي !
ها!
عرفتي منين !
اصل اصل يا استاذ ابراهيم طول الفتره اللي انا فيها هنا مريم كانت ديما بتبقي قاعده هنا بس .
اه تمام
بعد اذنك .
داليدا
داليدا !!
ايوا ايوا يفريده
من ساعه ما جيتي وانتي مش عاجباني مالك !
مليش
انجزي
بجد مفيش سبيني في حالي بقي .
داليدا:بقولك صحيح هو حازم مجاش ليه
فريده:تقريبا عنده خطوبه ابن خالته ومعاه من اول اليوم
داليدا:ممممم
فريده:عقبالك
ها
عقبالك
لا مش بفكر في الحكايه دي دلوقتي .
فريده : ليه هو لسه مش جاهز ولا اي !
داليدا: هو مين دا !
فريده بضحك : خلاص خلاص كملي شغلك .
داليدا: تقصدي مين اخلصي
فريده : اقصد الباشمحاسب القمر .
تقصدي استاذ ابراهيم !
هو استاذ ابراهيم كان بيقولك اي صح !
داليدا بتوتر : هو هو انا كنت بسأله عن مريم عشان مشفتهاش بس
طب وانتي بتسأليه عن مريم مشفتيش اخو مريم عشان سرحان فيكي ازاي !
فريده اتلمي وغوري
اكيد مفيش حاجه دي افكارك واوهامك .
مممممم اوهامي مش يست شاديه .
طب ما تقولها .
اقولها ازاي يماما اصلا وهي مش شايفاني !
ومين عارف
انتي عارفه يماما أنها من ساعه ما جت هنا وخطفتني
خايف اقولها ترفض أو يكون في حد في حياتها
انت لسه يتبعت ليها
اه ولسه بتسمع
طب ما تخلي الجواب الجاي في اسمك وهي لما تعرف هتقدر مشاعرك .
!
الجواب رقم "115"
وقابلتك انت لقيتك بتغير كل حياتي معرفش ازاي حبيتك معرفش ازاي يحياتي !"
عارف اني جننتك بس عارف برضوا انك لسه مزهقتيش ، لو زهقتي كنتي اتصلتي علي الرقم اللي بكتبهولك في كل جواب ،
قولت اغير المرادي واكتب للست يمكن تبعتي عارف انك بتحبيها واكتر من فيروز يستي كمان ايوا عارف كل دا ، انا عارف انك تعبتي بس كمان شويه كمان شويه اول ما يكون الوقت صح هتعرفي ،
"بحبك "
وبالمناسبة " انا رمشي ما داق النوم وهو عيونه تشبع نوم روح ينوم من عين حبيبي " دي حاجه كده لنجاه الصغيره بتعبر عن حالاتي من ساعه ما شوفتك اول مره من اول مره وانتي خطفاني "
فريده_
بقوا 115
ايوا ولسه التلجه اللي حطاها ماسحتش!
تلجه اي !
اللي حطاها مكان قلبك يا اللي من غير قلب انتي يبنتي مش بتتهزي دا انا هموت واعرف مين وانا مليش علاقه
انتي صاحبه الشأن مزهقتيش !
خايفه .
من اي يحببتي اللي يفضل صابر عليكي دا كله هيضحك عليكي مثلا !!
طب هو مجاش ليه مظهرليش ليه !
عشان مش كل الناس شبه بعضها
هو عايز رد منك منك انتي عشان يدخل وهو واثق .
مش عارفه يفريده م عارفه .
اتأخرتي ليه !
علي ما عرفت انزل والله يداليدا اهلي قاقشين الفتره دي اوي .
معلش يحببتي فتره وهتعدي .
تشربي اي !
ولا حاجه ممكن نتكلم عشان الحق امشي !
حاضر يستي
علي هيجي وهيتقدم لك
____!
طب واهلي والعريس اللي جاي دا
انتي مش عايزه علي يليلي !
اكيد عايزاه بس خايفه من اهلي يداليدا هما فاكرين أنهم هيفرحوني لما يشفولي عريس غني عنده كل حاجه ، مش قادرين يفهموا أني مش شايفه غير علي هو كل حاجه بالنسبالي .
خليكي جريئه واقفي قدامهم وواجهيهم لمره واحده يليلي وقوليلهم انا عايزه دا لاني هكون سعيده معاه .
السعاده مش بالفلوس الفلوس بتشتري كل حاجه الا الحب وراحه البال .
الجواب رقم" 116"
اللي غاب عن عيني ميتي يناس يجيني، الي غاب عن عيني ميتي يناس يجيني ، بحنانه يغطيني يشوف اللي حصلي .
متي اللقاء يا سيده القصر !
احان اللقاء !
ينادي إليكِ المشتاق متي اللقاء يعزيزتي بعد كل هذا الصبر .!
تسمحيلي اخطف من وقتك دقايق !
هستناكي يوم الخميس عند اقرب مكان لقلبك وقت ما بتكوني حزينه بتروحي ليه .
بابا انا جاهزه
وانا جاهز من امبارح
ادخلي شوفي اخوكي اللي عامل فيها عريس دا .
احلي عريس يبابا والله .
علي علي
ادخل !
ادخلي .
اول ما دخلت علي علي ولقيته بالبدله تلقائي دمعت وخدته في حضني وقولتله " فاكر زمان لما بابا جاب ليك بدله وانت صغير ومجبش ليا فستان عشان ملقاش حاجه مناسبه ليا !
ساعتها انت جيت وفضلت تعاند وتغيظ فيا ساعتها اتغظت اوي وفضلت اعيط واقول انا عايزه فستان اشمعنا علي! دلوقتي انت بالبداله وانا بردوا بعيط يعلي بس انا دلوقتي مش متغاظه دا انا طايره من الفرحه لأنك بتحقق حلمك وان شاء الله هيبقي يوم زي الفل وهنرجع مجبورين يا اغلي واحد في العالم .
اتفضلوا استريحوا .
علي كان قاعد هيموت من الرعب فضلت اهدي فيه واقوله اتشجع عافر عشان حلمك
بعد مناقشات دارت
والد ليلي : انا اسف يبني اني بقولك كده بس انت عندك اي يخليني اديك بنتي وانا مطمن !
علي : انا يمكن من عندي الفلوس الكافيه اللي اقدر اعيش بنت حضرتك في مستوي حضرتك بتتمناه ليها بس حضرتك انا تعبت وشقيت كتير اوي من صغري من صغري وابويا معودني اعتمد على نفسي عشان احس بالقرش اللي معايا
لحد ما بقيت مهندس اينعم مرتبي مش ولا بد بس بيمشي هيعيشنا واحنا مبسوطين.
ياما ناس كتير معاها فلوس بس مش مبسوطين عمرهم ما داقوا يعني اي طعم لمه واحتواء العيله
اد اي الاب محافظ علي ولاده والاخت الأصغر ام في البيت مش اصغر فرد
كفايا راحه البال اللي عايشين فيها
كفايا أننا في حالنا معندناش مشاكل مع دا ودا ودا .
انا وليلي هنبني بيتنا بالحب والمودة هنعلم ولادنا ازاي يكونوا متسامحين ازاي يعتمدوا علي نفسهم ازاي يحبوا بعض .
الحياه مش فلوس وبس الفلوس مش قادره تشتري كل دا .
داليدا : ممكن اسأل حضرتك سؤال !
اتفضلي يبنتي .
لو جالك طبق مليان من خيرات الله وطبق فيه كذا حاجه بسيطه بس الطبق البسيط دا هتقسموا انت وزوجتك هتختار اي!
سكت شويه وقال : هختار البسيط .
ليه !
عشان هتقاسمني فيه شريكه حياتي اللي ديما في ضهري وهكون مبسوط باختياري دا !
هو احنا كده حياتنا بسيطه ومتقسمه علينا وعشان احنا ديما واحد وفي ضهر بعض فرحانين بالحياه البسيطه دي لانها خلقت جوانا رحمه ومحبه بعضنا وان قلبنا ديما علي بعض .
بابا يونس : اظن حضرتك سمعت كل حاجه
وشوفت ولادي وتربيتهم ، القرار في ايد حضرتك .
حاسه بقلب علي وليلي دلوقتي بيدق بسرعه رهينه
الصمت عم المكان قطعه صوت والد ليلي انا موافق يجماعه علي خيره الله .
من بعدها زغروطه ام العروسه وطلت علينا ليلي بفستان سكري زي السكر زيها .
"وقرينا الفاتحه" 🤍
__
الو
مش ملاحظه انك متأخره نص ساعه علي المعاد اللي انتي مش عايزه تجيه!
انت مين !
هستناكي في نفس المكان اللي في الجواب .
انا غلطانه اصلا اني مشيت ورا الخرافات دي وجيت
بقا حقيقه يداليدا
_ااب ابراهيم !
انت !
ايوا انا يداليدا
داليدا في زهول وعدم استيعاب
ابراهيم:
"من يوم ما خدتي الشقه اللي فوقنا وانتي خطفتيني يداليدا
كل مره بشوفك فيها بحبك اكتر من الاول
كنت بقف جمب مريم بس مش بخليكي تشوفيني عشان بس اشوف ابتسامتك ولمعه عنيكي
كنت خايف اقولك ترقضي
واي اللي خلاك تقول بعد كل دا وكل الجوابات دي
مستني اتأكد بتحبيني
بحبك !
تنكري !
انا عارف انك كنتي هتموتي وتعرفي مين عشاني عشاني تقدري تحددي مشاعرك تجاهي
في كل مره كنت بشوفك وانتي طالعه عيونك كانت بتقول اللي لسانك مقدرش يقوله
كفايا مكابره يداليدا ولا انتي لسه عايزه جوابات !
اي دا احنا لما نتجوز مش هتكوبلي جوابات زي العاده !
لما اي !!!
ضحكت
باس ايديها وقالها بحبك يداليدا .
علي
عيونه .
انتو ليه ديما سايبين باب بيتكم مفتوح !
ابتسم وقال عشان مريم
مريم كانت داخله في حاله نفسيه بسبب انها بين أربع حيطان ، فقررت اجيب الكرسي بتاعها واحطه في وش الباب عشان تشوف الرايح والجاي
عشان تشوف اجمل وارق وألطف بنت في الدنيا داليدا
منكرش اني حبيتك بسبب معاملتك لأهلك وبسبب بردوا مريم واني يشوفك ديما معاها وحنين عليها حسيت أن هو دا الشخص اللي هيديني كل اللي انا عاوزاه
واي اللي انتي عايزاه يست داليدا
انك تكون حنين عليا وبتعرف تراضيني يا ابراهيم .
واي تاني يست داليدا !
عاوزه ورد يا ابراهيم .
"العيب فيكم يا فـ حبايبكم ، أما الحب يروحي عليه يروحي عليه "
0 التعليقات:
إرسال تعليق